សាខាកាកបាទក្រហមកម្ពុជា រាជធានីភ្នំពេញ បានបើកវគ្គ បណ្តុះបណ្តាលជូនទីប្រឹក្សាយុវជន
សាខាកាកបាទក្រហមកម្ពុជា រាជធានីភ្នំពេញ បានរៀបចំបើកវគ្គបណ្តុះបណ្តាលមូលដ្ឋានជូនទីប្រឹក្សាយុវជន និងយុវជនកាកបាទក្រហមកម្ពុជា ចំនួន១០០នាក់ ស្រី៦៧នាក់ វិទ្យាល័យចណេះទូទៅ និងបច្ចេកទេស ហ៊ុនសែន ជម្ពូវ័ន ដែលបានអញ្ជើញចូលរួមបើកវគ្គដោយលោកនាយករងវិទ្យាល័យ ហើយផ្តោតសំខាន់លើប្រធានបទចំនួន៥គឺ៖
១.ប្រវត្តិចលនា គោលការណ៍គ្រះ បដិរូប កាកបាទក្រហម អឌ្ឍចន្ទក្រហម
២.តួនាទី និងគោលនយោបាយយុជន កាកបាទក្រហមកម្ពុជា
៣.គ្រោះមហន្តរាយ និងការគ្រប់គ្រងគ្រោះមហន្តរាយ
៤.សុវត្ថិភាពចរាចរណ៍ផ្លូវគោក
៥.វិជ្ជាសង្គ្រោះបឋម
វគ្គបណ្តុះបណ្តាលនេះត្រូវបានលោកគ្រូ អ្នកគ្រូដែលជាគ្រូឧទ្ទេសរបស់សាខា បានបង្ហាត់ បង្ហាញរហូតដល់វេលាម៉ោង៣ កន្លះរសៀល ហើយបន្ទាប់មកបានរៀបចំកម្មវិធីបិទវគ្គ ក្រោមអធិបតីភាពលោក ជិន ប៊ុនធឿន លេខាសម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នាយករងរដ្ឋបាលសាលារាជធានី ភ្នំពេញ និងជានាយកប្រតិបត្តិសាខាកាកបាទក្រហមកម្ពុជារាជធានីភ្នំពេញ។ នៅក្នុងកម្មវិធីបិទ លោកនាយកសាខាបានមានមតិសំណេះសំណាល ការណែនាំ និងអនុសាសន៍ល្អៗនៃការគ្រប់គ្រង ដឹកនាំជូនយុវជនកាកបាទក្រហមកម្ពុជា កម្មវិធីបន្ទាប់យុវជនបានឡើងប្តេជ្ញាចិត្ត លោកនាយកសាខាបានបំពាក់ឯកសណ្ឋានជូនយុវជនកាកបាទក្រហមកម្ពុជា ចំនួន១០នាក់ តំណាង និងប្រគល់វិញ្ញាបនបត្របញ្ជាក់ការសិក្សាជូនយុវជន១០នាក់តំណាងផងដែល។ វគ្គបណ្តុះបណ្តាល១ថ្ងៃនេះ ប្រព្រឹត្តទៅក្នុងបរិយាកាសសប្បាយរីករាយ ស្និទ្ធស្នាល និងជោគជ័យ។